Aktuelles
Platt in Basses Blatt

Wo goot, dat wi Minschen all verschieden sünd

von Marianne Kiecksee

Elke Deffert, Vorsitzende des Plattdüütschen Krinks.

Dat fangt doch all bi uns Utsehn an. Jo, wi sünd allns Unikate. Denn kümmt dat Annerssien. „De weer je wedder eegenurti.“ Or: „Woröwer de ümmer lachen deit!“
Dat Utsehn un de Proportion! „Bloge Oogen, blonde Hoor.“ „Lange Näs or Stupsnäs.“ Or: „Lütt, groot, dick dünn.“
An de Kleedorsch kanns dat ok sehn. „Se is ümmer wi ut Ei pellt.“ Or: „Hest du sehn, wi de rümlööpt?“
Bi dat Miteenannerümgohn, dor kümmt „De Gedanken sünd frie“ int Speel. „He weet je nich, wat ik wirkli denk.“„Na jo, ik mutt ehr jo nich seggen, wi se wirkli utsücht.“ Or: „Du büst de Best, de dat gifft.“
Wo oft wi uns dor wohl bi tofotten kriegt! All de Eegenschaften ward vun uns Wunner, dat Gehirn stüert.
„De hett je wull nix in Kopp.“ „Dor kümmst du mit dien beeten Gripps nich ran.“ „Den kanns in de Hann geven, egol wat dat is, de kann allns.“
Dat Leven over is en lange Stroot – wo fehl passeert un di beröhrt. Wo goot, dat üm di anner Minschen sünd, un ehr „Annersien“ di wiest, nur gemeensom erdriggst du Freud un Leed, tum Ümdenken is dat nie to spät.
    Elke Deffert

Diesen Beitrag teilen:

Zurück