Aktuelles
Platt in Basses Blatt

Wiehnachts-Gedanken

von Ingrid Meier

Imgrid Meyer aus Wankendorf

Wiehnacht vör över söventig Johr
Krieg dree Johr vörbi, de Freeden is dor.
De Straten weer‘n twei, de Stadt vull Sott.
de Hüüs meist Ruin‘n, de Autos Schrott.
de Christboom mit ‚Rest-Lametta‘ verzeert.
de Wiehnachts-Kripp wedder mit Farv vullsmeert.
De Lüchten??? – meist lütt, de Koken ok
för de Popp nieget Kleed , darto blots`n Book.
Kledasch ut´n Wulldeeck. – Schon vulltoppt mit Plünn!
Dat Eten to´n Festdag??? Een Pott Supp plörrig dünn.
Allens düe, keen Arbeit, veel Kinner malad.
Dat weer de Tostand in unsern Staat.
Und doch: Wi hebbt överleevt!!!

Nu is wedder Wiehnacht bi uns in‘t Land.
De Boom töövt gröön op‘n ‚Smückerhand‘.
De Kinner hebbt ehre Steebel poleert
und Hannes hett wedder sien Büx ruineert.
In de Köök is Mama an´t Plättenbacken
und Vadder mutt Holt för´n Kamin lütt hacken.
Veele Gäst to´n Fierdag sünd all in Sicht:
Grootöllern vergeet ehre Enkel doch nicht!!
Wiehnachts-Rummel und -glittern vun överall her.
De Schaufinster vull, de Seel ward leer.
De Goosbraden is ook all lang bestellt.
Blots de Snee to Wiehnacht hett sick nich mellt.
Ick denk: Dorop kümmt dat nu ok nich mehr an.
De Hillig Avend lücht ok ohne Wiehnachtsmann.
De Minsch vergitt to licht den Grund för dat Fest.
De ‚Mammon‘ schalla wiesen: Uns geiht dat best!!
Und doch: Achter de Kulissen gifft dat jümmers noch Not.
Ick hoff, all de Kinner ward in Freeden groot.

von Ingrid Meyer
aus Wankendorf

Diesen Beitrag teilen:

Zurück