Aktuelles
Op Platt

Kinnerwunsch

von gelieferte Meldung

Lütt Deern, nu kiek mol üm de Eck,
de Wiehnachtsmann kümmt gliek.
Ik heff em eben bimmeln hört,
günt op de Straat an’n Diek.

Lütt Deern, hest du denn allns torecht,
büst wuschen und büst kämmt?
Hest diene bunten Strümp all an
un ok’n frisches Hemd?

O ja - dü sühst heel nüdlich ut,
hest örnlich rode Backen.
Büst woll all düchtig opgeregt?
Kannst meist ja gor nich snacken.

Heff man keen Angst, die Wiehnachtsmann,
de deiht gewiss di nix.
Dien lütt Gedicht, dat kannst du doch?
Segg noch mol op ganz fix!

„Ik bün man noch so’n lütte Deern
un mit de Poppen speel ik geern.
Ik bün man noch so’n lüttes Mäken
un kann an’n besten plattdütsch spräken.

Nu frog ik di, leev Wiehnachtsmann:
Hest nich ‘ne Popp, de plattdütsch kann?“

Sühst woll, dat geiht doch allerbest,
sitt di ganz fast in’n Kopp.
Nu bringt he woll, wat du di wünscht,
den Sleeden und de Popp.

Annelies Kiesbye, Rickling

Diesen Beitrag teilen:

Zurück