Aktuelles

Jeden Dag wat Nie’s, nur nix Goo’s

von Marianne Kiecksee

Elke Deffert, Vorsitzende des Plattdüütschen Krinks.

Hörs int Radio rinn, kieks in Fernseher, slögs de Zeitung op, överall överweegt, dat de Minschen sik nich verdreegt.
Fangt in de Familie an, in de School, bi de Arbeit, treckt sik övert ganze Land. Uns geiht dat doch goot, ward seggt, is wohl so. Sünd over all Minschen tofreeden?
Üm uns rüm sünd junge Lüüd, de nich weet, wo se mit ehr Knöf hinsöllt, de op Arbeit töft. De Arbeit over de se mooken künnt, gifft nich mehr, de hebbt de Maschinen övernommen.
Fröher weern de Minschen möd vun de Arbeit, keem nich op dumme Gedanken un geef keen Hororfilme de den Verstand verdreihten, ne, dor geef dat för done Arbeit den Lohn, un de möök tofreeden un ok glückli, jo glückli, wüss man doch man harr wat leist, man weer an sienen Platz wer!
De Minsch erfind und entwickelt, schient over tovergeeten, dat he eenes Dages sölvst dorneven steiht, över is.
Ik hör hier un dor, dat öllere Lüüd seggt: „Wat ward blos, wo goot, dat wi denn nich mehr dor sünd!“
So’n Gedanken mütt doch opschrecken.
Verännerungen un Fortschritt sünd wichtig, over över all dat steiht doch Freeden, Freeden ünner de Minschen, möökt ok tofreeden!
    Elke Deffert

Diesen Beitrag teilen:

Zurück