Aktuelles
von Elke Deffert

Een Tiet, de veele Dören opsparrt

von gelieferte Meldung

In uns Stadt is ‘n barg los, De Stroten sünd wiehnachlich belüücht, un de Kooplüüd hebbt för ehre Kunden eene dulle Atmosphäre zaubert.
„Is doch överall, ok op de Dörper, een Veranstaltung löst de annere af“, meent mien Nowersch, de ok grod inköfft.
Wiehnachtsleeder dringt ut de Lodens op de Stroot. Dor geiht en Vader un Moder mit ehr Lütt, de wunnerwarkt rüm. Ik hör  as ehr Vader seggt: „Das gibt jetzt nichts, das bringt der Weihnachtsmann.“ Na jo, denk ik , steiht all dor, un denn salls dat nich hebben.
Seht wi uns op de Wiehnachsfier,? röpt een Fru ehre Bekannte to. De anntert: „Jo, wann un üm welche Tiet weer dat no?“ „Muss in Basses Blatt kieken, dor stoht de ganzen Termine binn.“
An de Bood nemmt wi uns en Waffel op de Hann, ok en Punsch dorbi. Lecker, dat warmt dörr. Poor Kerls drinkt Glöhwien, de düchtig bi de Küll ut den Beeker dammt.
Loter föhr ik mit Auto dörr uns Dörper in Kreis, jo un richtig, dat strohlt op den Dörpplatz, de Dannenboom lüücht. Ganz
besünners seht de olen Koten
ut, wo de Schüündörn verglost sünd un as Wohnungen nutzt ward. Över de Dören hangt wiehnachtlich schöne Dannengirlannen. Wenn sik hier un
dor ok veel verännert hett, over de Faszinatschon vun düsse
wunnerbore Wiehnachstiet is bleven .
    Elke Deffert

Diesen Beitrag teilen:

Zurück